ⵓⵜⵓⵏⴰⵔⵜ ( ⵉⴱⵏ ⵟⵓⵏⴰⵔⵜ) :
ⵓⵜⵓⵏⴰⵔⵜ ( ⵉⴱⵏ ⵟⵓⵏⴰⵔⵜ) :
ⴰⵎⵣⵡⴰⵔⵓ ⵢⵓⵔⴰⵏ ⴰⵎⴰⵡⴰⵍ ⵏ ⵜⵎⴰⵣⵉⵖⵜ.
ⵓⵜⵓⵏⴰⵔⵜ ⵏⵖ ⵉⴱⵏ ⵟⵓⵏⴰⵔⵜ ⴷ ⴰⵎⵓⵙⵏⴰⵡ ⴰⵎⴰⵣⵉⵖ ⴰⵎⵣⵡⴰⵔⵓ ⵉ ⵢⵓⵔⴰⵏ, ⵉ ⴷ-ⵉⵊⵎⵄⵏ ⴰⵎⴰⵡⴰⵍ ⵏ ⵜⵎⴰⵣⵉⵖⵜ ⵉ ⵢⵜⵡⴰⵙⵏⴻⵏ ⴷⴳ ⵓⵎⵣⵔⵓⵢ. ⵉⵍⵓⵍ ⴷⵉ ⵍⵇⵍⵄⴰ ⵏⴰⵜ ⵃⵎⵎⴰⴷ ( ⵟⴰⵎⵙⵉⵍⵜ) ⴷⴳ ⵓⵙⴳⴳⴰⵙ ⵏ 1085, ⵢⴷⴷⵔ ⴷⵉ ⵜⵎⴷⵉⵏⵜ ⵏ ⴱⴳⴰⵢⵜ ⵜⴰⵎⴰⵏⴰⵖⵜ ⵏ ⵜⴳⵍⴷⴰ ⵜⴰⵃⵎⵎⴰⴷⵉⵜ ⴰⵏⴷⴰ ⵉ ⵢⵍⵎⴷ ⵜⵓⵙⵙⵏⵉⵡⵉⵏ ⵏ ⵜⵓⵜⵍⴰⵢⵜ ⴷ ⵜⵓⵙⵙⵏⵉⵡⵉⵏ ⵏ ⵜⵙⵔⴹⵜ ⵙⵢⵉⵏ ⵢⵓⵏⴰⴳ ⵖⵔ ⵡⴰⵏⴷⴰⵍⵓⵙ( ⵙⵒⴰⴳⵏ) ⴰⵏⴷⴰ ⵉ ⵢⵇⴷⵛ ⴰⵟⴰⵙ ⴷⴳ ⵓⵏⵏⴰⵔ ⵏ ⵜⵎⵓⵙⵙⵏⵉ ⴰⴽⴽⴷ ⵓⵣⵔⴼ ⴷ ⵜⵏⵣⵓⵜ, ⵖⵔ ⵜⴰⴳⴳⴰⵔⴰ ⵢⵓⵖⴰⵍ-ⴷ ⵖⵔ ⵜⵎⵓⵔⵜ ⵏ ⵟⵎⴰⵣⵖⴰ( ⵟⴰⵎⴷⵉⵏⵜ ⵏ ⴼⴰⵙ) ⴰⵏⴷⴰ ⵉ ⵢⵇⴷⵛ ⴷ ⴰⵙⵍⵎⴰⴷ, ⴷ ⴰⵏⵣⵣⴰⵔⴼⵓ. ⵢⵎⵎⵓⵜ ⴷⵉ ⵜⵎⴷⵉⵏⵜ ⵏ ⴼⴰⵙ ⴷⴳ ⵓⵙⴳⴳⴰⵙ ⵏ 1172. ⴹⵔⵓⵙ ⵏ ⵢⵉⵙⴰⵍⵍⵏ ⵉ ⵢⵜⵡⴰⵙⵏⴻⵏ ⵖⴼ ⵓⵎⵓⵙⵏⴰⵡ-ⴰ ⵢⴷⴷⵔⵏ ⴷⵉ ⵜⴰⵍⵍⵉⵜ ⵏ ⵢⵉⵎⵡⵃⴷⵏ( ⵜⴰⵍⵍⵉⵜ ⵏ ⵉⴱⵏ ⵟⵓⵎⴰⵔⵜ). ⵙⴳ ⵍⵇⴷⵉⵛⴰⵜ ⵏ ⵓⵎⵓⵙⵏⴰⵡ-ⴰⴳⵉ, ⴰⴷⵍⵉⵙ-ⵉⵙ ⴰⵅⴰⵟⴰⵔ ⵓⵎⵉ ⵉⵙⵎⵎⴰ: " ⴰⴷⵍⵉⵙ ⵏ ⵢⵉⵙⵎⴰⵡⵏ" ⵉ ⵎⴰⵣⴰⵍ ⵏⵣⵎⵔ ⴰⴷ ⵜ-ⵏⴰⴼ ⴷⴳ ⵓⵙⴰⵍⴰⵢ ⵏ ⵜⵙⴷⴰⵡⵉⵜ ⵏ ⵍⵉⴷⵏ ⵏ ⵜⵎⵓⵔⵜ ⵏ ⵀⵓⵍⵓⵏⴷⴰ. ⴹⴳ ⵓⴷⵍⵉⵙ-ⴰ, ⵓⵜⵓⵏⴰⵔⵜ ⵢⵙⵙⴳⵣⴰ-ⴷ ⵙ ⵜⵓⵜⵍⴰⵢⵜ ⵏ ⵜⴰⵄⵔⴰⴱⵜ ⴰⵟⴰⵙ ⵏ ⵡⴰⵡⴰⵍⵏ ⵏ ⵜⵎⴰⵣⵉⵖⵜ ⵏ ⵜⴰⵍⵍⵉⵜ-ⵏⵏⵉ ⵉ ⵢⴱⴹⴰ ⵄⵍⴰⵃⵙⴰⴱ ⵏ ⵜⴰⵖⵓⵍⵜ ⵏ ⵜⵓⴷⵔⵜ ⴰⵎ : ⵓⴳⴰⵎⴰ, ⵉⵖⵔⵙⵉⵡⵏ, ⵜⴰⴳⵏⴰⵡⵜ...ⴹ ⵢⵉⵡⵏ ⵏ ⵓⴷⵍⵉⵙ ⵉⵖⴼ ⵢⵅⴷⵎ ⴰⵏⴰⴷⵉ ⵓⵎⵓⵙⵏⴰⵡ ⴰⵎⵕⵕⵓⴽⵉ ⵄⴱⴷⵓ ⴰⵎⵏⵓⵏⴽⴰⵍ, ⴷ ⴰⴷⵍⵉⵙ ⵉ ⵏⵙⵙⴰⵔⴰⵎ ⴰⴷ ⴷ-ⵢⴼⴼⵖ ⴰⴽⴽⵏ ⴰⴷ ⵜ-ⵖⵔⵏ ⵢⵉⵎⴷⴰⵏⴻⵏ ⵍⴰⴷⵖⴰ ⵡⵉⴷ ⵉⵇⴷⴷⵛⵏ ⴷⴳ ⵓⵏⵏⴰⵔ ⵏ ⵜⵎⴰⵣⵉⵖⵜ ⴰⴽⴽⵏ ⴰⴷ ⵅⴷⵎⵏ ⴼⵍⵍ-ⴰⵙ ⵜⵉⵣⵔⴰⵡⵉⵏ.
Aucun commentaire