ⵜⴰⵔⴳⴰⵏⵜ
ⵜⴰⵔⴳⴰⵏⵜ
ⴽⵙⴰⵏ ⴳⵉⴽ ⴰⵣⵎⵣ
ⵉⵣⵎⴰⵣ ⴰ ⵙⵓⵙ
ⴰⵣⵏⵏ ⴰⴽ ⴷ ⵜⴰⵏⵉⵔⵉⵏ,
ⴰⵡⵉⵏⵜ ⴷ ⵜⴰⵙⵎⵖⵓⵔⵜ
ⵜⴰⵏⵉⵔⵉⵏ ⴷⴰ ⵉⵖⵎⴰⵏ
ⴰⵔⴰ ⵔⵔⴰⴳ ⴰ ⵉⵎⵎⵉ
ⴰⵔⴰ ⵙⴼⵉⵡⵉⵛ
ⴰⵔⴰ ⴰⵣⵏⴰⵜ ⴰ ⴱⴰⴱⴰ
ⴰⵎⴽⵙⴰ;
ⴰⴷ ⴰⵖ ⴷ ⴰⵡⵉⵏ ⴰⴱⵍⵥⵉⵥ
ⵎⵎⴰⵙⵙⵏ ⵉⵣⵔⴳⴰⵏ
ⵉⵏⴳⵉ ⵓⵎⵍⵓ
ⵉⵍⵉⵏ ⵖ ⵓⵔⵓⴽⵓ
ⵜⵓⵎⵔⵜ ⵏ ⵓⵏⴱⴳⵉ
ⵉⵖ ⴰⵖ ⴷ ⵍⴽⵎⵏ
ⵜⴰⵣⴳⵯⵎⵎⵉⵜ ⵉ ⵉⵖⵡⵉ
ⵉⵖ ⵉⵎⵎⴰⵙⵙ ⵓⵙⵎⵎⵉⴹ
ⵉⴹⵕ ⵓⴷⴼⵍ
ⴰⵙⵉⵖ ⴷ ⴰⴳⴳⵯⵔⵏ
ⵉⵣⴹⴰ, ⵢⴰⴼⵓⴼ
ⵏⵙⵍⵉ ⴷ ⵖ ⵜⴰⴷⴷⴰⵔⵜ
ⵉⵎⵉⴽⴽ ⵏ ⵓⵙⴰⴼⴰⵔ
ⵉⵎⵎⵔⴽⵙ ⴷ ⵡⴰⵔⴳⴰⵏ,
ⴰ ⵏⵛⵛ ⵜⵓⵎⵎⵉⵜ.
ⴷ ⵢⴰⵜ ⴰⵔ ⵙⵏⴰⵜ,
ⴰⵙⴽⵍⵓ ⵏⵏⵎ
ⵓⵔ ⵙⴰⵔ ⵜ ⵜⵜⵓⵖ
ⵏⵜⵜⴰⵏ ⴰⴷ ⴰⵖ ⵉⵎⵍⴰⵏ
ⵜⴰⵡⵏⵣⴰ ⵍⵍⵉ ⴷ ⵏⵎⵓⵏ
ⵎⵓⵃⵎⵎⴰⴷ ⵡⴰⴳⵔⴰⵔ
ⵜⵉⵏⵉⵜⵉⵏ
ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵜ, 2004
Aucun commentaire