ⵊⵃⴰ ⴷ ⵜⵉⴽⵉⵏⵜ

ⵉⵙⵖⴰ ⴷ ⵊⵃⴰ ⵜⵉⴼⵢⵢⵉ, ⵢⵉⵏⵉ ⵉ ⵜⵎⵖⴰⵕⵜ ⵏⵏⵙ ⴰⵏⵏ ⵜⴳ ⵢⴰⵜ ⵜⵉⴽⵉⵏⵜ ⴰⴼⴰⴷ ⴰⴷ ⵙⴼⵓⴳⵍⵓⵏ.ⵎⴰⵛ ⵜⴰⵎⵖⴰⵕⵜ ⵏⵏⵙ ⵜⵏⵏⴰ ⵢⴰⵙ ⵎⴰⵙ ⵓⵔ ⴷⴰⵔⵙ ⵜⵉⴽⵉⵏⵜ ⵎⴰⵖ ⴰ ⵜⵙⵙⵏⵡⴰ.
ⵉⴷⴷⵓ ⵊⵃⴰ ⵉⵔⴹⵍⵜ ⵢⴰⵜ ⵜⵉⴽⵉⵏⵜ ⵎⵇⵇⵓⵔⵏ ⴷⴰⵔ ⵓⴷⴷⵊⴰⵔ ⵏⵏⵙ ⴰⵇⵔⵣⴰⵣ.
ⵣⵔⵉⵏ ⵓⵙⵙⴰⵏ ⵓⵔⵜⴰ ⵉⵔⵓⵔ ⵊⵃⴰ ⵜⵉⴽⵉⵏⵜ ⵉ ⵡⴰⴷⴷⵊⴰⵕ ⵏⵏⵙ.
ⵢⵓⵣⵏ ⵉⵍⵎⵎⴰ ⵡⴰⴷⴷⵊⴰⵔ ⵉⵡⵉⵙ ⴰⴷⴷ ⵢⴰⵡⵉ ⵜⵉⴽⵉⵏⵜ ⴷⴰⵔ ⵊⵃⴰ. ⵎⴰⵛ ⵊⵃⴰ ⵉⴼⴽⴰ ⵢⴰⵙ ⵉ ⵓⴼⵔⵓⵅ ⴰⵏⵏ ⵜⵉⴽⵉⵏⵜ ⵏⵏⵙⵏ ⴷ ⵢⴰⵜ ⵜⵉⴽⵉⵏⵜ ⵎⵥⵥⵉⵏ. ⵢⵉⵏⵉ ⵢⴰⵙ ⵉⵏⵉ ⵉ ⴱⴰⴱⴰⴽ ⵀⴰⵏⵏ ⵜⵉⴽⵉⵏⵜ ⵜⵓⵔⵓ ⵜⵉⴽⵉⵏⵜ ⴰⴷ ⵎⵥⵥⵉⵏ ⴷ ⴳⴰⵏⵜ ⵜⵉⵏⵏⵓⵏ ⵙ ⵙⵏⴰⵜ.
ⵉⵎⵎⵔ ⵡⴰⴷⴷⵊⴰⵕ ⵙ ⵜⵉⴽⵉⵏⵜ ⵎⵥⵥⵉⵏ.
ⵍⵍⵓⵣⵣⴰⵏ ⵉⵏⵖⵎⵉⵙⵏ ⴳ ⵓⴷⵡⵡⴰⵔ ⵎⴰⵙ ⵜⵉⴽⵉⵏⵜ ⵏ ⵓⵇⵔⵣⴰⵣ ⵜⵓⵔⵓ, ⴷⴷⵓⵏ ⴷⴰⵔⵙ ⴰⵔ ⴰⵙ ⵙⵙⵔⵖⵓⴷⴰⵏ ⵎⴰⵢⴰⵏⵏ.
ⵢⴰⵏ ⵡⴰⵙ ⵉⵡⵉⵏⴷ ⵎⵉⴷⴷⵏ ⵉⵏⵖⵎⵉⵙⵏ ⵎⴰⵙ ⵊⵃⴰ ⵉⵔⴰ ⴷⴰⵖ ⵜⵉⴽⵉⵏⵜ. ⴷⴷⵓⵏ ⵎⵉⴷⴷⵏ ⴰⴽⴽⵯ ⵙ ⴷⴰⵔⵙ ⴰⵡⵉⵏ ⴰⵙ ⵜⵉⴽⵉⵏⵉ.
ⵢⴰⵎⵣ ⴷⴰⵔⵙ ⵊⵃⴰ ⵜⵉⴽⵉⵏⵉⵏ ⵉⵙⵏⵉⵎⵎⵔⵜⵏ.
ⵢⴰⵏ ⵡⴰⵙⵙ ⵙⵙⴼⵍⴷ ⵎⵉⴷⴷⵏ ⵉ ⵜⵖⵓⵢⵢⵓⵜ ⴳ ⵜⴳⵎⵎⵉ ⵏ ⵊⵃⴰ. ⴷⴷⵓⵏ ⴷⴰⵔⵙ, ⵉⵏⵉⵏ ⴰⵙ ⵎⴰⴽⴽ ⵢⴰⵖⵏ ⴰ ⵊⵃⴰ. ⵉⵏⵏⴰ ⵢⴰⵙⵏ : ⵜⵉⴽⵉⵏⵉⵏ ⵏⵏⵓⵏ ⵎⵎⵓⵜⵏⵜ ⴰⴽⴽⵯ.
ⵎⴰⵛ ⵎⵉⴷⴷⵏ ⵓⵔ ⵜⵓⵎⵏⵏ ⵖⴰⵍⵏ ⵉⵙⴷ ⴰⵔ ⴽⴰ ⵉⵙⴽⵉⵔⴽⵉⵙ.
ⵉⵏⵏⴰ ⵢⴰⵙⵏ ⵊⵃⴰ:  ⵡⴰⵀ ⵜⵓⵎⵏⵎ ⵉⵙ ⴰ ⵜⵜⴰⵔⵓ ⵜⵉⴽⵉⵏⵜ ⵓⵔ ⵜⵓⵎⵏⵎ ⵉⵙ ⴰ ⵜⵜⵎⵜⴰⵜ?
ⵀⴰⵏⵏⴰ ⵡⴰⵏⵏⴰ ⵉⵜⵜⴰⵔⵓⵏ ⵉⵇⴰⵏⴷ ⴰⴷ ⵉⵎⵎⵜ ⵢⴰⵏ ⵡⴰⵙⵙ.
ⴷⴷⵓⵏ ⵉⵍⵎⵎⴰ ⵎⵉⴷⴷⵏ.
ⵉⵖⴰⵎⴰ ⵊⵃⴰ ⴷⴰⵔⵙ ⵜⵓⴳⵜⵜ ⵏ ⵜⴽⵉⵏⵉⵏ ⵎⴰ ⵖⴰ ⵉⵙⵙⵏⵡⴰ.